المصدر: ليبانون ديبايت
غرّدت النائب رولا الطبش على حسابها عبر “تويتر” كاتبة: “بالغلط سمّوك بي الكل… لو شي مرة تبطل تسمع مستشاري السوء عندك وهني عم يكذبوا عليك إنو الناس عايشة مرتاحة وبتمجد بعهدك.”.
وتابعت, “مرة واحدة انزل شوف كيف الكل عم يبكوا ويتوجعوا ويموتوا بحربك الجديدة كرمال انت تخلّد ببعبدا او كيف تنقل امانة الخراب الى صهرك ليصير حاكم جهنم المركزي.”
تغريدة الطبش دفعت نائب رئيس التيار الوطني الحر مي خريش بالرّد عليها،
وقالت على حسابها عبر”تويتر”: صرتي نائب بالصدفة, واذا نصايحك متل مواقفك, منفهم سبب نجاح السعد”.
وتابعت, “بطمنّك انو المؤامرة يلي حيّكتوها فشلت”.
وختمت, “انكشفتوا, انضبوا”.
وفي وقت لاحق, عادت الطبش وردّت، كاتبةً: “ميّ, لا علاقة لحياكة السجاد الايراني بالسياسة وبادارة البلد، فالافضل تبقي باختصاصك.”
وأضافت, “ما قاهركم غير الرئيس الحريري الي كشف تعطيلكم. بطمّنك انكم أفلستوا والشعب لفظ عهدكم.
أصوات الناس يا مي بتعمل نواب الأمة، بس أنت جبران عملك صوته, صوت العتمة وصوت الكذب, وصوت جهنم”.
