المصدر: تويتر
اشتعل سجالٌ ناري عبر “تويتر”، مساء اليوم، بين النائب في كتلة “لبنان القوي” زياد أسود والنائب في كتلة “المستقبل” رولا الطبش، وقد تخلله استخدام كلمات من العيار الثقيل بين الطرفين.
فبعد رسالة رئيس الجمهورية ميشال عون إلى اللبنانيين بشأن الأوضاع، غردت الطبش قائلة: “كلما سمعت “بي الكل” يقول سأستمر بالعمل على كذا كذا كلما استعذت بالله وقلت: محنتنا لم تنته بعد، ثمة فصول ومحن ستأتي أصعب من كل ما خبرناه. رجاء يا “بي الكل” ارتاح وريحنا. كلنا بانتظار أن نسمعك تقول: خلص تعبت وبدي فل… فل بقى”.
وعلى الأثر، رد أسود بتغريدة جاء فيها: “نائبة المستقبل فايقة و رايقة على بي الكل،ليك يا tanteخبري سعد انو ميشال عون بي الكل ما عدا كم قلعوط، و بس بدو يفل ببقا بخبرك اذا بعدك على السمع. بس يكون الواحد تبعي و بدو يبيض وجه مع young بيصير ببغاء على شاكلة بومة و بلالك هل الموقف البايخ #حتى_ما_انسى_الليلة tantouna .. b nuit”.
وفي تغريدة ثانية قال أسود: “قمة التفريط بالسيادة مبلشي بمفتاح بيروت و نهب الجيوب و قوانين الانتخاب
و إخراج المتطرفين من بيروت و نهب الاموال و تبييضها ،بتذكر الوالد و ووليد المعلم و الحديث المسجل،
غير انو قاعدين تحت الصرماية الغريبة، عبيط وما بتفهم ومصيبتك انك ما بتعرف السيادة من الحفلة #بدك_طبش بشي طبشة”.
بدورها، ردت الطبش على تغريدات أسود، فعلقت على الأولى قائلة: “ليك زياد خبّر معلمك انو عهده انتهى ولازم يفل
ويفلوا اقزامه معه. منحكي عن “بي الكل” بيطلعنا كم مرتزق أسود القلب والقالب بيدافعوا عن القرف اللي وصله كل اللبنانيين،
بلكي بيرضى عليهم “الصهر” ليضلوا كائنات رمادية بحضانة تيار الكذب والحقد. فعلاً ما بحاجة التيار الا لهالاسود يمثله خير تمثيل”.
كذلك، قالت الطبش تعليقاً على التغريدة الثانية: “قمة الوساخة مبلشة حسب ترتيب التيار الاورانجي من الأسود ونزول.
عيب لما ينحكى عن كبار يطلع جربوع يتنطح عاللي صنعوا التاريخ الحلو لبيروت، اللي حرقها جنرال الفحم بحروبه لي
وصل عا بعبدا”.
قمة الوساخة مبلشة حسب ترتيب التيار الاورانجي من الأسود ونزول. عيب لما ينحكى عن كبار يطلع جربوع
يتنطح عاللي صنعوا التاريخ الحلو لبيروت، اللي حرقها جنرال الفحم بحروبه ليوصل عا بعبدا https://t.co/Wi3ejqfEPz