هضامة الشعب اللبناني… بالأرقام

المصدر: ليبانون فايلز

ما في أهضم من الشعب اللبناني، خصوصاً عندما يستخدم اللبنانيون الأرقام في جمل مختصرة تحمل معانٍ متنوعة، يعبرون من خلالها عن مواقف أو مشاعر عديدة ومختلفة المقاصد، والتي منها على سبيل المثال لا الحصر: 60 و 100 و 10 و 1000 و 7 و 2 … إلخ.
– الرقم (60(: يستخدم فقط وحصرياً في الشتائم والتوبيخ دوناً عن باقي الأرقام.

– الرقم (1000) يستخدم تحديداً في التهنئة.
(1000 مبروك)… 100 مبروك ما بيمشي الحال… حصراً 1000.
(1000 الحمدلله عالسلامة).
– الرقم (7) لوصف ما هو ظاهرة غريبة جداً، أو للتعبير عن الحيرة الشديدة أو البحث المتواصل والمتعب عن شيء أو شخص ما، مثلاً:
(دخت الـ 7 دوخات لحد ما لقيت فلان أو هالغرض… إلخ).
كمان يستخدم الرقم (7) للتعبير عن النوم العميق.
(ما رح يرد عليك… شكلو ب “سابع” نومة)… انتبه… لو بـ “سادس” نومة كان قام عادي ورد… بس سابع نومة، مستحيل!
أخيراً الرقم (2):
وهو يعبر عن أطول مدة زمنية بالكون حسب التوقيت اللبناني، وهي (الساعتين)
(صرلو ساعتين بنفس القصة) هي بتكون 5 دقايق… بس الله بيطرح فيهن البركة…

(صرلي ساعتين ناطرك)… (صرلي ساعتين عم فهمك هالشغلة)… (هلكت، صرلي ساعتين واقف ع رجليي).
تأليف وإنتاج الشعب اللبناني.