“سرقوا دور بيي”… صحافية لبنانية تنعى والدها: انصاب بكورونا باليوم اللي تلقى فيه النواب اللقاح”

المصدر: ch23

نعت الصحافية نهلا ناصر الدين والدها بعد إصابته بفيروس كورونا، وكتبت عبر حسابها على “فيسبوك” المنشور:

“من سنة كنت عم راقب بورصة الموت اليومية
كنت خايفي بس ولا مرة فكرت انو ح يجي يوم ويكون بيي رقم من هالأرقام
طول عمري كان عندي حقد كبير على الدولة وممارساتا
بس ولا مرة فكرت انو ح يقتلوا بيي بفسادن
بيي اللي عمرو فوق ال 75 وعندو ضغط وسكري كان من اول الناس اللي تسجلوا بالمنصة
انصاب كورونا بنفس اليوم اللي تلقى فيه النواب اللقاح
أكتر من 6000 واحد بينن 16 نايب سرقوا دور بيي باللقاح
تأخر اللقاح على بيي ولما إجا دورو كان قبل يومين بس ما يوقف قلبو “بقرار سيادي”
بيي القوي كان قلبو أضعف من كورونا وأضعف من فسادكن وبشاعة هالبلد
كتير صعب إنك تكون مضطر تعيش بدولة عم تتفنّن بقتلك
وكل يوم عم نخسر ناس منحبّن
الله يكسرن متل ما كسروا قلبي وقلوب كتار
ومتل ما حرقوا دمي على إمي اللي عايشي هلأ عالأكسجين وكنت خسرتا ع لحظة لو ما رحمة الله
ما بعرف كيف بدنا نكمل بهيك بلد عم ننطر فيه كل يوم وكل لحظة خبر بشع وتجربة أبشع.. وعد عليي لما فل واتركَك ما ح اطّلع ورايي ولا ح إزعل ع ترابك اللي بلع بيي وهوي بعد عندو الكتير من العطاء والقوة وحب الحياة”.