“احقر عملية احتيال”، المصارف تربح ٣٦ مليار دولار من اموال المودعين… ما علاقة حاكم مصرف لبنان؟

المصدر: ch23

في حسابات صغيرة ودقيقة الى حد كبير، كتب القاضي شادي قردوحي على صفحته الخاصة على الفايسبوك منشورًا يشرح فيه عملية “احتيال” كما اسماها هو قامت بها المصارف بحق المودعين. في النص المكتوب يذكر القاضي، وعلى مسؤوليته الخاصة ان الودائع ما زالت موجودة ولم تتبخر،

اما يتم استغلالها والاستفادة منها من قبل كارتيلات المصارف وحاكم مصرف لبنان والفاسدين. التفاصيل والحسابات الدقيقة في المنشور ادناه:

أحقر عملية احتيال

بكل ما للكلمة من معنى
ما عم بكتب واحكي شعر وتمنيات

يلي عم يكتب قاضي، وقبل كل شي “حقوقي”وأنا مسؤول عن كل كلمة “أدبياً” و”أخلاقياً” قبل كل شي

يا شعب لبنان

بدي ضلني احكي واكتب واصرخ حتى توصل المعلومة الصحيحة لكل مواطن

فيما خص “الودائع”

بكرر ما في شي اسمه “تبخرت الودائع”وعلى مسؤوليتي الشخصية وامام ضميري وتحت قسمي

أموالكم موجودة

القسم الأكبر منها في لبنان،

وأموالكم عم تستثمر من قبل كارتيلات المصارف وحاكم مصرف لبنان والفاسدين

عم تستثمر أموالكم لافقاركم

نعم

وأنا كقاض وكحقوقي على استعداد لمناظرة أي مسؤول يدلي بالعكس أمام الرأي العام

يا جماعة

لح أعطيكم أمثلة لتقريب المسألة

اليوم عم نسمع عبارة “صغار المودعين”!!!

ركزوا معي “صغار المودعين”….كأنه المشكلة بس “صغار المودعين”

(هيدا موضوع يتطلب مناقشة دقيقة وسؤال منطقي شو سبب سكوت كبار المودعين)…..

بقولوا “صغار المودعين” عددهم حوالي ٨٠٠ ألف…كمان ما لح ادخل بمسألة سعي المصارف

مع الحاكم لافقال تلك الحسابات يلي عادة المصرف بيركض وراء كل شخص ليودع المال عنده وهيدا امر متعارف عليه في عالم التجارة والمصارف…

لنرجع لمثال عملي؛ قبل الأزمة رفعت المصارف معدل الفوايد على الليرة لارقام خيالية

وصلت ل ١٥ و١٧٪؜ (اكيد الحاكم والسلطة نايمين)

صغار المودعين لنفترض وديعة كل واحد بين ١٠٠٠$ ومئة ألف $….

ركضت الناس وحولت أموالها من $ الى الليرة(بعض أصحاب المؤسسات الصغيرة

قاموا بتصفية اعمالهم ووضعهم اموالهم بالمصرف لان ما فيه عمل تجاري بالعادة يحقق هيك أرباح )…

ملاحظة؛ فيه عدد من المودعين وبناء على التجربة اللبنانية قسم ماله بين $ وليرة حتى صار ما صار يضل ال $ مضمون وهيدا بناء على تجربة انهيار العملة اواخر الثمانينات…

لنفترض نصف الودائع حولت الى الليرة بمعدل كل وديعة ٥٠ الف $( رقم افتراضي)…عم نحكي عن ٨٠٠ الف مودع (صغار المودعين)…

بكل بساطة نضرب ٥٠ الف ب ٨٠٠ الف الحاصل حوالي ٤٠ مليار $…..٤٠ مليار $$$$$……ال ٤٠ مليار $

صاروا بحساب المصارف وبالمقابل تحولوا لارقام على ورق الى ٦٠ الف مليار ليرة……قلنا ال ٤٠ مليار $ وين راحوا؟؟؟

الى جيبة المصارف….المصارف شو عملت بال ٤٠ مليار $(هودي بس نتيجة لعبة الفايدة والتحول الى الليرة)!!!!!

أكيد شغلتهم وحققت أرباح (من بعدها لعبت بالسوق مع الصرافين)….

من نتايج عملية الاحتيال “الأحقر في التاريخ”: ال ٦٠ الف مليار يلي كانوا ٤٠ مليار $ صاروا اليوو على سعر دولار ١٥ الف

حوالي ٤ مليار $😱نعم….أخذوا ٤٠ مليار $ من “صغار المودعين” واليوم اذا “اذا” بدهم يرجعوا الاموال لح يرحعوا ٤ مليار $(اذا…)…..

عزيزي المواطن، بكل بساطة ومن هيدي اللعبة عملوا ٣٦ مليار $ ربح صافي للمصارف….

بذكر مثال افتراضي لان الارقام أكبر بس ما عنا داتا واكيد ما لح يسمحوا للمواطن يطلع على الداتا…..يتبع