“أعلنت الإعلامية ليال سعد أنّها غادرت لبنان منذ 5 أيام لتبدأ تجربة جديدة بعد استقالتها الشهر الماضي من قناة “الجديد”.
ونشرت سعد صورة لها عبر حساباتها على مواقع التواصل الاجتماعي من مطار بيروت، وأرفقتها بمنشور قالت فيه: “من 5 ايام تركت لبنان (اللي بيعرفني منيح بيعرف انو انا كان ما ممكن اترك)… بس مبدئياً، ما حدا بيترك
بلده لأن جايي على باله او زهقان. بِفل لأنو شبه مُرغَم… انا عم بنسلخ بشكل مختصر عن حالي…
يمكن الفلّة او الهجرة هي الحلّ المنطقي والسليم بس جواباً على سؤال “ليش زعلانة”؟
لأنو الانسلاخ كتير صعب لو قد ما كان الواحد مقتنع، تماماً متل علاقات الحب
اللي بتخلص بس بتكون بعدها مجبولة بالمشاعر”.
وأضافت: “وعلاقة معظمنا مع هيدا البلد صارت هيك. سنة 2022 رح بلّش تجربة جديدة،
برّا لبنان لأول مرة، بالرغم من الحزن، الأمل انها تكون تجربة حلوة اكبر. إلى اللقاء، قريباً”.
وكانت سعد أعلنت الشهر الماضي استقالتها من “الجديد” بعد تجربة استمرّت لـ 5 سنوات ونصف.
