أعلن الإعلامي جو معلوف في تغريدة على حسابه عبر “تويتر”، أنّ “العنصر في فوج الإطفاء خليل فرشوخ عوقب لمجرّد أنّه طالب بدواء لإبنته عبر مواقع التواصل الإجتماعي”.
وكتب معلوف: “العقيد عجوز عاقب العنصر في فوج الإطفاء خليل
فرشوخ لمجرد إنو طالب بدوا لبنته عمواقع التواصل! الرحمة يا حضرة العقيد..
ارحموا العناصر اللي عم تسعفنا ليل نهار ومتلها متل هالناس عم تعاني من
أقسى أزمة عم تمرق علينا. للتراجع عن العقوبة فوراً.. حرام عليكن.. ارحموا من في الأرض ليرحمكم”.
وسأل معلوف في تغريدة ثانية، “وينك يا جمال عيتاني؟ ويا أموال البلدية
تساعد فيها عناصرك.. بنته للزلمي مريضة وما عم تقدر تاكل من سنة!! عم يشكي همه بتعاقبوه؟؟؟ وين ضميركن؟؟”.
ومن ثم أضاف، “من سنة ونص مقدّم هالعنصر طلب ليشتري ماكينة اوكسجين و
دوا لبنته اللي عم تصارع الموت! بدال ما تصرفوا ملايين الدولارات
على زينة الأعياد لتنفّعوا الجمعية المدعوم منكم سياسيا ساعدوا عناصرك.. ساعدوا اهل بيتكن يا بلا ضمير!!”.
