“علم وفهم!”… ردٌّ من باسيل على جعجع “دون تسميته”! (فيديو)
ردَّ رئيس التيّار الوطني الحرّ النائب جبران باسيل,
على رئيس حزب القوّات اللبنانية سمير جعجع من دون أن يسميه, قائلًا:
“هيدا شغل انعمل بالعلم والفهم،
جبران باسيل
مش بالتبصير بالفنجان ولا باللبن ولا بخبرية افضل الممكن
او هيدا الممكن وأفضل يتصرّف الواحد بالممكن على انو ما يتصرّف بغير الممكن ويلّي ممكن يكون افضل او غير افضل من الممكن”.
رئيس التيّار الوطني الحرّ
وأضاف خلال قداس عن راحة أنفس شهداء 13 تشرين, “فهمتوا شي؟”.
وتابع, “النفط يا شباب، ثروة من ثروات لبنان يلّي اكيد عطانا ياها الله,
واكيد مش نحنا خلقناها، بس نحنا اشتغلنا لنحافظ عليها ونستثمرها.
مش لأنّو ما منحبّ الشخص لعم يشتغل فيها بينقال ما في غاز بلبنان، واذا مصلحتنا نحبّو، بينقال في غاز بلبنان”.
رئيس التيّار الوطني الحرّ
وأشار باسيل إلى أنَّ, “الغاز مش زهرة
Margueritte مننتفلها اوراقها, بحبّك، ما بحبّك, قيم وشيم, هيدي ثروة متل البيئة والمياه
والشمس والهواء والتراث, إذا كان ممنوع يفرحوا اللبنانيين بانجاز الحدود والغاز،
لأن مش نحنا حطّينا الغاز بالبحر، فاذاً صار ممنوع نحتفل بمشروع مائي من حفر بئر لسدّ لأن المياه بتجي من السما”.
واستكمل, “إذا كان ممنوع يفرحوا اللبنانيين بانجاز الحدود والغاز،
لأن مش نحنا حطّينا الغاز بالبحر، فاذاً ممنوع نشتغل او نحتفل بمشروع طاقة شمسية
او هوائية لأن الشمس مش نحنا حطّيناها بالكون والهواء مش نحنا نفخناه
وما لازم نحتفل بترميم قلعة او مبنى اثري لأن نحنا ورثناه، ما اوجدناه”.
وقال: “كمان يعني اذا اكلنا سمك أو لحمة ما مندفع حقّهم لأن الله اوجدهم كثروة سمكية وحيوانية؟
شو بدّكن! علم وفهم!, والثروات الطبيعية ما بيصنعها الانسان،
بيورثها، بس لازم يحافظ عليها ويستثمرها ليكبّرها ويفيد الأجيال الجايي”.
وأضاف, “أنا بقدّر يكونوا تحت الصدمة والخيبة، وبعد رح تكون الصدمة
أكبر لمّا بيظهر دورنا اكثر ولمّا نحقّق كل مشاريعنا ويبيّن قديش كنا محقين فيها،
وليش تمسّكنا اوقات بوزارة الطاقة, مش كرمال الموقع، كرمال شو منقدر نعمل من خلاله للبلد”.
وكان رئيس حزب القوّات اللبنانية سمير جعجع قد صرّح في وقتٍ سابق,
تعليقًا على إتفاقية ترسيم الحدود البحرية مع إسرائيل, قائلًا:
“ما حصل أفضل الممكن أو هو الممكن في الوقت الحاضر، كما من الافضل التصرف بما هو ممكن بدل عدم التصرف بالـ”غير ممكن”.
لمشاهدة المزيد اضغط هنا
