إنتقادات حادّة لطفل “الغزالة رايقة” وهكذا ردّت والدته

 إنتقادات حادّة لطفل “الغزالة رايقة” وهكذا ردّت والدته

أثار الطفل محمد أسامة، الشهير بـ”طفل الغزالة رايقة” جدلاً واسعاً

عبر مواقع التواصل الاجتماعي بعد طرحه أغنية “كام ملاحظة”،

تعرّض الفيديو كليب الخاص بها للعديد من الانتقادات عبر مواقع التواصل الاجتماعي.

وفي الرد الأول على تلك الانتقادات بعد طرح الكليب، قالت والدة محمد أسامة

في تصريحات صحافية إن قصة الكليب لم يكن المقصود بها أي إساءة الى المدرّسات

كما قال البعض على مواقع التواصل الاجتماعي، موضحةً:

“مفيش فيها أي معاكسة للمدرسة نهائي، الموضوع كان مرح بمناسبة دخول المدارس”.

محمد أسامة

وعن فكرة الكليب، قالت والدة محمد أسامة: “الأغنية أخرجها مخرج لبناني، هو صاحب الفكرة، ولما اقترح فكرة الفيديو قلنا تمام، وكان المقصود من الفيديو إن المغازلة كانت لبنت المدرسة اللي كانت في نهائية الفيديو، ولكن المخرج جابها بطريقة غلط شوية”. وأضافت: “هو المفروض بيلهي المعلمة عشان بيعاكس بنتها، إنما الحقيقة مش فاهمة الناس ليه كل حاجة بتاخد على الجانب السيئ فقط، كمان ليس منطقياً أن يعاكس تلميذ مدرّسته، هيعاكس المعلمة؟”.

الطفل محمد أسامة

‏وعن الانتقادات التي طاولت ابنها محمد أسامة بعد طرح فيديو كليب أغنية “كام ملاحظة”، قالت: “مفكرش خالص التفكير اللي هما قالوا وإحنا قولنا هنحذف الفيديو كليب هنخلي الأغنية بس، وأنا قلت لمدير أعماله مش عايزة فيديو كليب خالص ليه الأغاني بعد كده هتنزل على صور له فقط، والمخرج معندوش مشكلة إننا نحذف الأغنية”.

الطفل محمد أسامة

واستكملت حديثها قائلة: “لو الجمهور خد فكرة الفيديو كليب أنه بيعاكس المعلمة،

فين المشاهد الخارجة حد شافه بيمسك إيدها أو همّا في الآخر مثلاً حبوا بعض،

إحنا كنا عاملين الفكرة من منطق مدرسة، هل حد شاف تجاوزات من المعلمة مع الطفل مثلاً؟”.

وأضافت: “إحنا مشكلتنا هنا صعبة جداً، الناس قاعدة للانتقادات فقط، الناس بقت بتكره النجاح لبعضها،

سابوا الأغنية وكلماتها ومسكوا في الفيديو كليب، أنتوا سيبتوا أنتش وأجري،

اللي فنانين كبار راحوا عملوا فيديوهات عليها ونزلوها بنفسهم،

وجايين تتكلموا على فيديو معمول في مدرسة من أكبر المدارس في لبنان”.

واختتمت حديثها قائلةً: “في حاجات كتير أوي بتحصل غلط وأنتوا مبتتكلموش والغلط بتاعها بيتمادى، وهو مصوّرش الكليب مع مدرّسة في كباريه ولا مكان خارج، إحنا بنتكلم في نطاق مدرسة شغل أطفال من قبيل الهزار يعني”.

لمشاهدة المزيد اضغط هنا

(لها)