المصدر: سبوت شوت
كشف القيادي في حزب الله غالب أبو زينب، خلال لقاء حزبي له عن فحوى حديث دار بينه وبين الرئيس أمين الجميّل”.
وقال أبو زينب: “خلال إجتماع لوفد أحزاب في دارة الرئيس أمين الجميّل, طلب مني التحدّث على إنفراد وبدأ بالتحدّث عن المقاومة وأهمية المقاومة لـ”درجة صار بدي هديّ, وبلشّ قصف من عندو”, وطلب منّي أن أبلغ سماحة السيد, “أننا في بعض الأحيان نضطرّ إلى مهاجمة حزب اللّه”. وقبل أن أتّصل بالأمين العام صرّح الجميّل للإعلاميين ضدّ المقاومة (ما مخلي ولا مبقي فينا). هكذا يقوم الجميّل بمغازلتنا بالسرّ وفي العلن يهاجم الحزب. كلّ هذه التحريضات ضدّ المقاومة التي تُسمّم المجتمع الذي يمثلّه, أصبحت مرفوضة”.
وقال: “عم بعطي مثلًا عن جنبلاط لأن بعدو طازة” “بـ سبّونا من فوق وبقولوا بتعرفوا بدنا نزبط وضعنا مع السعودية في معاشات وشنط مصاري”, هذه الأشياء لَن نقبل بها بعد اليوم, لأنَّ هؤلاء يشكلون عبء أساسي على الواقع اللبناني, وهمّ أداة لضرب الوضع الداخلي اللبناني وتوتيره. سياسات الماضي يجب أن تنتهي مع الماضي, وهؤلاء الناس يجب أن يقفوا عند حدّ، أما في ما يخصّ التفاصيل الصغيرة, كـ”سمير جعجع” والقتل, يكفينا ما قاله سماحة السيّد.
ومن ثمّ هاجم أبو زينب رئيس الحزب التقدمي الإشتراكي وليد جنبلاط، وقال: “الحلول هي محاربة الفساد ومنع سقوط البلد بيّد هؤلاء, وأن نقول لهؤلاء “الشباب الطيبة”, “يعطيكم العافية إشتغلتوا كلكم, بس اليوم الشغل على قاعدة ترتيب جميع أموركم بدون المسّ بالخزينة العامّة, “يلي أخدتوا ما رح نحاسبكم لأن كلكم تواطأتم, وطيّرتم التدقيق الجنائي”. سرقتم الماضي والحاضر لا تسرقوا المستقبل”.
وأكمل أبو زينب متهجّمًا على جنبلاط بحدّةٍ: قائِلًا: “ما بدي يضلّ حاكمني وليد جنبلاط بمزاجيّته السياسيّة,
إنّو هلأ بدو يتحالف مع القوّات اللبنانية ما قبل شهر “قرّب” على الجنرال عون، ومبارح إنو بهاليومين
كان عم “بصعد تجاهنا وعم يبتلي علينا وبيظلمنا وبكذّب عنا بشغلات نحن لم نفعلها” لكي يُرضي الأميركي والسعودي، وفق تعبير أبو زينب”.
وقال بحرّفيته: “بكرا اليوم شو بقول اليوم على “رويترز” أنا ما بدّي أعمل جبهة ضد حزب الله،
أوف وبدي أتحالف مع القوات اللبنانية وهذا حكي مبارح عم ببيعو للسعودية والأميركان طيب وشو بعدان، بعدان سمّم البيئة الدرزية،
خيي أنا بفهم أنو الواحد يشتغل تكتيك بس هوي بالمقابل كمان شو عمل للشباب الدروز اللي
عايشين بالجبل لما بيسمعو زعيم عم بيحكي هيك وعن حزب الله وبكذّب عنا وبقول شو قال
إذا دريت عالواتساب وهيدا الواتساب شوفي إذا صحيح وبكرا بس الطالبو يقول
ما أنا قلت إذا صحيح إنو هوي ما دخلو هوّي عم بينقل وناقل الكفر ليس بكافر
أنو أنا قريت أنو حزب الله عن بهيء أماكن بدو يحط فيها الناس اللي بدها ترجع
من الإمارات ومن السعودية وما بيصير هيك وخرّبتو بيوت اللبنانية وأنا السبب”.
هذا وإعتبر القيادي أبو زينب بأنّ جنبلاط بطريقته هذه “يعمد إلى حقن المجتمع ضدّ المقاومة
ومن ثمّ يُرسل غازي العريضي لتلطيف الأجواء”، وقال: “طيّب هيدا عم بيحقن المُجتمع تجاه المقاومة
ويعمل على إيجاد بيئة غير إيجابية تجاه المقاومة، ومن ثمّ يقوم بإرسال غازي العريضي
ليُخبرنا بأن “البيك” مُضطر للموضوع، ونحن لسنا ضدكن وبدكن تتفهمونا”.
