“بتشتري بعض الإعلام”… تغريدة لـ السيد!

غرّد النائب جميل السيد عير حسابه على تويتر كاتبًا، “شو ما كانت وظيفتك بالدولة من رئيس ونزول لقاضي لضابط لمدير عام ل..، معظم اهل الدولة والمال والإعلام، بيتعاملوا معك حسب حاجتهم لوظيفتك والمنافع يللي بتعطيهم ياها”.

وأضاف، “لكن كيف بتعمل قيمة دايمة لحالك بعد الوظيفة؟! لمّا بتكون عملت مؤسسة نزيهة وفعّالة بتخدم المواطن العادي بكرامة، مش لمّا بتخدم كبار الدولة وأغنياء البلد وبتنهب مؤسستك وبتشتري بعض الإعلام”.

وتابع، “قيمتك الحقيقية التي لا يستطيع احد ان يسلبها منك هي لمّا المواطن العادي بيترحّم على ايامك لما كنت بالوظيفة”.

وأكمل، “لأنو كان يشعر بكرامته على باب مؤسستك وما كان يدفع رشوة او يعمل واسطة ليحصل على ابسط خدمة من المؤسسة التي تقودها”.